Жаңа жыл – бұл ерекше мереке, қуаныш пен ғажайыптарға толы уақыт.

Біздің мектепте де жаңа жыл кеші ерекше аталып өтті. Барлық оқушылар мен мұғалімдер үшін нағыз ғажайыпқа айналды.

Мектебіміздің іші әдемі безендіріліп, үлкен шырша орнатылды, оның үстінде жарқыраған гирляндалар мен түрлі-түсті ойыншықтар мерекелік көңіл-күй сыйлады. Балалар мен ұстаздар осы мерекеге арнайы киінген, ал сахнада жаңа жылдық декорациялар мен әсем әндер атмосфераны толықтыра түсті.

Жаңа жыл кешінің бағдарламасы өте қызықты болды. Оқушылардың шығармашылығын көрсету үшін әртүрлі сайыстар мен ойындар ұйымдастырылды. Балалар өздерінің өнерлерін көрсетіп, көпшілікті қуанышқа бөледі.

Кештің басты кейіпкерлері – Аяз Ата мен Ақшақар болды.

Жаңа жыл кеші барлығымызға керемет көңіл-күй, жақсы естеліктер мен ұмытылмас сәттер сыйлады. Біз келер жылда да осындай жарқын сәттерді бірге өткізіп, жаңа жетістіктерге жетуге ниеттіміз!

Жаңа жыл барлығымызға қуаныш, бақыт, тыныштық әкелсін!

/public/files/2024/12/31/311224_102028_whatsapp-image-2024-12-30-at-172945.pdf